එක්සත් ජනපද සෙනෙට් ඉතිහාසයේ අඛණ්ඩ දීර්ඝතම කතාව සම්බන්ධ දශක ගණනාවක් පැරණි වාර්තාවක් බිඳ දැමීමට සෙනෙට් සභික කෝරි බුකර් සමත් වී තිබේ.

ඒ පැය 25යි මිනිත්තු 05ක් විශ්මයජනක ලෙස කතා කරමිනි.

නිව් ජර්සි ප්‍රජාතන්ත්‍රවාදියකු වන ඔහු සඳුදා සවස 7ට සෙනෙට් සභාවට පැමිණි අතර පසුදා රාත්‍රී 8 වන තෙක් ඔහු සිය කතාව නැවත් වූයේ නැත.

ඔහුගේ ඉලක්කය වී තිබුණේ ජනාධිපති ඩොනල්ඩ් ට්‍රම්ප් යටතේ අමෙරිකානු ප්‍රජාතන්ත්‍රවාදය අර්බුදයක බව ඔහු විස්තර කිරීමය.

1957 සිවිල් අයිතිවාසිකම් පනතට එරෙහිව අභාවප්‍රාප්ත බෙදුම්වාදී සෙනෙට් සභික ස්ට්‍රෝම් තර්මන්ඩ් විසින් පැය 24යි මිනිත්තු 18ක් කතා කරමින්තබන ලද පෙර වාර්තාව අභිබවා යමින් බුකර් සෙනෙට් ඉතිහාසයේ ඔහුගේ නම සටහන් කළේය.

“මට ශාරීරිකව හැකි තාක් කල් එක්සත් ජනපද සෙනෙට් සභාවේ සාමාන්‍ය කටයුතු කඩාකප්පල් කිරීමේ අරමුණින් මම නැගී සිටිමි,” බුකර් ඔහුගේ ප්‍රකාශයේ ආරම්භයේ දී පැවසීය.

“මම අද නැගී සිටියේ අපේ රට අර්බුදයක පවතින බව මම අවංකවම විශ්වාස කරන නිසා,” යැයි බුකර් පැවසීය.

බුකර් ඔහුගේ කතාව සඳහා ස්වරය සැකසීමට කාලය නාස්ති කළේ නැත.

ට්‍රම්ප් විසින් සිදුකර තිබෙන දැවැන්ත අයවැය කප්පාදුව කතාව අතරතුර ඔහු හෙළා දුටුවේය.

එමගින් මිලියන ගණනක් අමෙරිකානුවන් අවදානමට ලක් කර ඇති බව ඔහු කියා සිටියේය.

සමස්ත රජයේ ආයතන විනාශ කිරීමේ උත්සාහයන්ට නායකත්වය දෙන ට්‍රම්ප්ගේ සමීපතම උපදේශක, ප්‍රකෝටිපති එලොන් මස්ක් සමබන්ධයෙන් ද ඔහු විශේෂයෙන් විවේචන සිදු කළේය.