බොලිවුඩ් නිළියක වන රිමි සෙන් මෝටර් රථ සමාගමක් වන ලෑන්ඩ් රෝවර් වෙත ඉන්දීය රුපියල් කෝටි 50 ක වන්දියක් ඉල්ලා නඩු පවරා තිබේ.

ඒ එම සමාගමෙන් මිලදී ගත් සිය මෝටර් රථය සම්බන්ධයෙන් තමන් ගැටළු වලට මුහුණ දුන් බව පවසමිනි.

ඇය 2020 වසරේදී එම මෝටර් රථය මිලදී ගෙන ඇත්තේ ඉන්දියානු රුපියල් ලක්ෂ 92 කටයි.

ඇයගේ පැමිණිල්ලේ දී ඇය චෝදනා කර ඇත්තේ සිය මෝටර් රථයට සම්බන්ධ අලුත්වැඩියාවන් සම්බන්ධයෙන් කටයුතු කිරීමේදී ලෑන්ඩ් රෝවර් ආයතනය තමාට මානසික හිරිහැරයක් සිදුකළ බවටයි.

රිමි සෙන් මෙම වාහනය සතිෂ් මෝටර්ස් පෞද්ගලික සමාගමෙන් මිලදී ගෙන ඇත.

එම සමාගම Jaguar Land Rover වර්ගයේ වාහන සඳහා බලයලත් අලෙවි නියෝජිතයෙකි.

2023 ජනවාරි දක්වා ඊට වලංගු වගකීමක් ඇත.

කෙසේ වෙතත්, COVID-19 වසංගතය සහ පසුව පැනවූ සීමා සහ රට වසා දැමීම හේතුවෙන්, සීමාවන් ඉවත් කරන තෙක් ඇය මෝටර් රථය බොහෝ දුරට භාවිතයට නොගෙන තිබේ.

රිමි සෙන් වාහනය බහුලව භාවිත කිරීමට පටන් ගත් විට, ඇයට එහි බොහෝ දෝෂ ඇති වූ බව පැවසේ.

එම ගැටළු අතර සන්රූෆ්, ශබ්ද පද්ධතිය සහ පසුපස කැමරාවේ ගැටළු ඇතුළත් විය.

2022 අගෝස්තු 25 වන දින සෙන් සිය පැමිණිල්ලේ සඳහන් කර ඇත්තේ, 2022 අගෝස්තු 25 වන දින, පසුපස කැමරාවේ දෝෂයක් හේතුවෙන් මෝටර් රථය කණුවක ගැටුණු බවයි.

මෙම ගැටළු පිළිබඳව අලෙවි නියෝජිතයින්ට දැනුම් දී තිබියදීත්, ඔවුන් එය ප්‍රතික්ෂේප කළ බවත්, ඇයගේ පැමිණිලි විසඳීමට පෙර සාක්ෂි ඉල්ලා සිටින බවත් රිමි සෙන් පවසා තිබේ.

ඇයගේ පැමිණිලි හමුවේ මෝටර් රථය අලුත්වැඩියාවකට ලක්කර ඇති නමුත් එහිදී එක් ගැටළුවක් විසඳා ඇති අතර තවත් ගැටළුවක් පැන නැගී ඇත.

සෙන් විසින් ගොනුකරන ලද නීත්‍යානුකූල දැනුම්දීමෙන් කියාසිටින්නේ මෝටර් රථය නිෂ්පාදනයේදී සහ බලයලත් අලෙවි නියෝජිතයා විසින් පසුව නඩත්තු කිරීමේදී දෝෂ සහගතභාවයන් තිබූ බවයි.

මෝටර් රථය දසවතාවක් අලුත්වැඩියා සඳහා යවා ඇති නමුත් එය දෝෂ සහිත බැවින් ඇයට මානසික හිරිහැර සහ සැලකිය යුතු අපහසුතාවයක් ඇති කළ බවට ඇය තර්ක කරයි.

ඒ අනුව බොලිවුඩ් නිළියක වන රිමි සෙන් ඇය විඳි මානසික හිරිහැර සඳහා රුපියල් කෝටි 50 ක වන්දියක් මෙන්ම නීතිමය වියදම් පියවා ගැනීම සඳහා අමතර රුපියල් ලක්ෂ 10 ක් ඉල්ලා සිටී.