December 19, 2024
මියන්මාර් ජාතිකයින් 100 දෙනෙකුට අධික පිරිසක් රැගත් බහුදින ධීවර යාත්‍රාවක් මුලතිව්, මුල්ලිවයික්කාල් වෙරළ තීරයට පැමිණ ඇතැයි නාවික හමුදාව සහ පොලිසිය පවසයි.
මියන්මාරයේ සිට සරණාගතයන් ලෙස නීතිවිරෝධීව වෙනත් රටකට යමින් සිටියදී එම බහුදින යාත්‍රාව එලෙස මුල්ලිවයික්කාල් වෙරළ තීරයට පැමිණ තිබේ.
යාත්‍රාව තුළ දරුවන් 25කට ආසන්න පිරිසක් සිටින බව අනාවරණය වී ඇති බව ද පොලිසිය සඳහන් කරයි.
අදාළ ධීවර යාත්‍රාවේ ගමන්ගත් පිරිස සඳහා ප්‍රමාණවත් ආහාර හා ජලය නොමැති වීම හේතුවෙන් යාත්‍රාව මුල්ලිවයික්කාල් වෙරළ තීරයට පැමිණ ඇති අතර, ඔවුන්ට අවශ්‍ය ආහාර ද්‍රව්‍ය හා ජලය ලබාදීම නාවික හමුදාව විසින් කටයුතු කරමින් සිටියි.
