ඊ-ජනගහණය ලේඛන වැඩසටහන යටතේ ජාතික ඩිජිටල් උප්පැන්න සහතිකය නිකුත් කිරීම ස්වදේශ කටයුතු රාජ්‍ය ඇමැති අශෝක ප්‍රියන්තගේ ප්‍රධානත්වයෙන් 2023.12.05 (අද) කළුතර දිස්ත්‍රික් ලේකම් කාර්යාලයේදී පැවැත්විණි .

කළුතර දිස්ත්‍රික්කයෙන් ආරම්භ කළ මෙම ජාතික ඩිජිටල් උප්පැන්න සහතිකය ලබාදීමේ වැඩසටහන සෙසු දිස්ත්‍රික්ක සඳහා කඩිනමින් ව්‍යාප්ත කිරීම ආරම්භ කර ඇති බව ස්වදේශ කටයුතු රාජ්‍ය අඇමැතිවරයා කියාසිටියේය.

රාජ්‍ය ඇමැතිවරයා වැඩිදුරටත් මෙහිදී සඳහන් කළේ, ඩිජිටල් තාක්ෂණය සහිත අන්තර්ජාතික ප්‍රමිතියට අනුව මෙම ජාතික උප්පැන්න සහතිකයට ලබාදෙන අංකය ජාතික හැඳුනුම්පත් අංක බවට පරිවර්තනය වන බවයි.

ඒ අනුව නිකුත් කළ ජාතික ඩිජිටල් උප්පැන්න සහතිකය පහත පරිදි වේ.

ආකර්ෂණීය බව, නිවැරදි බව හා පිළිගැනීම වැඩි ආරක්ෂිත උපාංග ඇතුළත් මුද්‍රිත සහතිකයක් ලබාදීම ද අරමුණ කර ගෙන ඊ-ජනගහණ ලේඛන වැඩසටහන ආරම්භ කරන ලදී.

ඒ යටතේ නිකුත් කිරීමට නියමිත උප්පැන්න සහතිකය “ජාතික උප්පැන්න සහතිකය ” ලෙසින් නම් කර ඇත.

මෙම උප්පැන්න සහතිකයේ දරුවාට ඉදිරියේ දී ලබාදීමට නියමිත ජාතික හැඳුනුම්පත් අංකය “ මගේ අංකය ” ලෙසින් පුද්ගලයින් ලියාපදිංචි කිරීමේ දෙපාර්තමේන්තුව සමඟ එක්ව ඇතුළත් කර ඇත.

ඒ් අනුව දරුවකුට උපතේදීම අනන්‍යතා අංකයක් ලබාදීමට හැකියාව ලැබෙන අතර ඒ් තුළින් ජනගහණ ලේඛනයක් ගොඩනැගීමට හැකියාව ලැබේ.

ජාතික උප්පැන්න සහතිකයන් නිකුත් කිරීමේ ක්‍රමවේදය :
සහතිකයේ ඇතුළත් වන තොරතුරු ;

– උපන් ස්ථානය පිළිබඳ තොරතුරු
– මගේ අංකය
– සම්පූර්ණ නම ( සිංහල/ ඉංග්‍රීසි හෝ දෙමළ / ඉංග්‍රීසි)
– පියාගේ ජාතික හැඳුනුම්පත් අංකය / නම/ ජාතිය / ජාතිකත්වය
– මවගේ ජාතික හැඳුනුම්පත් අංකය / නම/ ජාතිය / ජාතිකත්වය
– මෙලෙස නිකුත් කිරීමට නියමිත සහතිකයේ විශේෂ ලක්ෂණ
– රෙජිස්ට්‍රාර් ජනරාල්ගේ අත්සනින් නිකුත් වීම.
– සහතිකයේ පුද්ගලයාගේ ජාතිය / ජාතිකත්වය ඇතුළත් වීම.
– මව්පියන්ගේ විවාහක / අවිවාහක බව ඉවත් වීම.
– මෙම උප්පැන්න සහතිකය සිංහල/ඉංග්‍රීසි හෝ දෙමළ/ඉංග්‍රීසි භාෂාවලින් නිකුත් කිරීම.
– විශේෂ ආරක්ෂිත උපාංග යෙදූ සහතිකයක් නිකුත් කිරීම.
– සහතිකයේ තොරතුරු සංශෝධනය කළ හොත් එකී නිවැරදි තොරතුරු පමණක් ඇතුළත් නව සහතිකයක් නිකුත් කිරීම.