නාමල් රාජපක්ෂ ශ්‍රී ලංකා පොදුජන පෙරමුණේ ජනාධිපති අපේක්ෂකයා බවට පත්කිරීමේ ප්‍රචාරක යාන්ත්‍රණය අද හම්බන්තොටින් ආරම්භ කිරීමට එම පක්ෂයේ කොටසක් තීරණය කර ඇත .

ඒ අනුව, ‘සටන අරඹමු – හම්බන්තොටින්’ යන තේමාව යටතේ අද (30දා) සවස 2.00ට තංගල්ල නගරයේ දී ජනරැලියක් පැවැත්වීමට ශ්‍රී ලංකා පොදුජන පෙරමුණේ අදාළ පාර්ශ්වය කටයුතු සංවිධානය කර තිබේ.

මෙම රැලියට සමගාමීව එම පක්ෂයේ දිස්ත්‍රික් මහා සම්මේලනය ද පැවැත්වීමට කටයුතු යොදා ඇත.

මෙම රැලිය පක්ෂ නායක හිටපු ජනාධිපති මහින්ද රාජපක්ෂගේ ප්‍රධානත්වයෙන් පැවැත්වේ.

කෙසේවෙතත් පොදුජන පෙරමුණේ සැළකිවයුතු ජ්‍යෙෂ්ඨයන් පිරිසක් මෙම රැලිය මගහරිනු ඇතැයි වාර්තා සඳහන් කරයි.