සෑම ඖෂධ අසුරනයකම අදාළ ඖෂධ නිෂ්පාදකයාගේ තොරතුරු ඇතුළත් තීරු කේතය(Bar code) හෝ QR කේතය සමඟ ජාතික ඖෂධ නියාමන අධිකාරියේ ලියාපදිංචි අංකය සටහන් කරන ලෙස එම අධිකාරිය ඖෂධ සමාගම් වෙත දැනුම්දී තිබේ.

ජාතික ඖෂධ නියාමන අධිකාරියේ සභාපති වෛද්‍ය ආනන්ද විජේවික්‍රමට අනුව මෙම පියවර ගෙන ඇත්තේ සෞඛ්‍ය ක්‍ෂේත්‍රයේ මෑතකාලීනව සිදු වූ ගැටලුසහගත සිදුවීම් මාලාවකින් පසු ඖෂධවල සත්‍යතාව සහතික කිරීම සඳහාය.

ඒ අනුව, සෑම වාණිජ ඖෂධ ඇසුරුමකම ‘ජාතික ඖෂධ නියාමන අධිකාරිය විසින් අනුමත’ යන්න සහ ජාතික ඖෂධ නියාමන අධිකාරියේ ලියාපදිංචි සහතිකයේ අංකය සහිත ස්ටිකරයක් තිබිය යුතුය.

අගෝස්තු 1 වැනිදා සිට වෙළෙඳපොළට නිකුත් කරන සියලුම ඖෂධ තොග සඳහා මෙම ස්ටිකර ක්‍රමය ක්‍රියාත්මක කිරීමට නියමිතය.

නිෂ්පාදනයේ නම, සාමාන්‍ය නම සහ එහි මාත්‍රාව, කාණ්ඩ අංකය සහ නිෂ්පාදීත දිනය සහ කල් ඉකුත්වන දිනයන් පාරිභෝගිකයන්ට දැන ගැනීමට නිෂ්පාදකයාගේ QR හෝ තීරු කේතයක්(Bar code) තිබිය යුතුය.

පසුගිය වසර දෙක තුළ සිදු වූ වැරදි වැළැක්වීම සඳහා නැවත වරක් ආරක්‍ෂක විශේෂාංග සමඟින්, සාමාන්‍ය ලියාපදිංචි කිරීමේ ක්‍රියාවලිය මඟහරිමින් රට තුළට ඖෂධ සහ උපාංගවලට අවසර දී ඇති ලියාපදිංචිය අත්හැරීම් හඳුන්වා දීමට ජාතික ඖෂධ නියාමන අධිකාරිය කටයුතු කර තිබේ.

රසායනාගාර ප්‍රතිසංස්කරණය ද ආරම්භ කර ඇති අතර පුරප්පාඩු ප්‍රකාශයට පත් කර ඇත.