පසුගිය වසරේ නොවැම්බර් 23 වැනිදා “බලූච් ජන සංහාරයට” එරෙහිව සාමකාමීව විරෝධතාවයක් ආරම්භ කළ අතර ඊට එරෙහිව ප්‍රතිවිරෝධතාවන් රාජ්‍ය අනුග්‍රහයෙන් ක්‍රියාත්මක වන බව Balochistan Post වාර්තා කරයි.

මෙම ප්‍රතිවිරෝධතාව දැනට පවතින සාමකාමී බලුච් විරෝධතාවට තර්ජනයක් විය හැකි බවද එය සදහන් කරයි.

මෙම ප්‍රතිවිරෝධතාවයේ ප්‍රධාන පුද්ගලයන් අතර, බලුකිස්තානයේ හිටපු අන්තර්වාර ඇමැතිවරයකු වන ජමාල් රයිසානි සහ ඝාතන කල්ලියේ යැයි කියනු ලබන සිරාජ් රයිසානිගේ පුත්‍රයාද වන බව Balochistan Post වාර්තා කරයි.

එසේම, සහිඩ් මොහොමඩ් හසානි, ෆරීඩ් රයිසානි සහ සුල්ෆිකාර් මොහොමඩ් හස්නි යන සියලුදෙනාම බලුකිස්තානයේ “රාජ්‍ය අනුග්‍රහය ලබන ඝාතක කල්ලි” සමඟ සම්බන්ධ වී සිටින බව වාර්තා වේ.

“බලූච් ජන සංහාරයට” එරෙහිව දැනට පවතින විරෝධතාව මැඩපැවැත්වීම සඳහා පකිස්ථාන බලධාරීන් විසින් ගන්නා ලද ක්‍රියාමාර්ග මාලාවක නවතම පියවරක් ලෙස මෙය සැලැකේ.

කෙසේවෙතත්, පකිස්ථාන රජයේ මර්දනකාරී පියවර නොතකා, බලහත්කාර අතුරුදහන් කිරීම, නීති විරෝධී ඝාතන කිරීම, ත්‍රස්ත මර්දන දෙපාර්තමේන්තුවට බාධා කිරීම වැනි ඉල්ලීම් මුලික කර ගනිමින් බලුච් විරෝධතාකරුවන් බලුකිස්තානයේ මානව හිමිකම් උල්ලංඝනය කිරීම් සම්බන්ධයෙන් එක්සත් ජාතීන්ගේ මූලිකත්වයෙන් යුත් පරීක්ෂණයක් පවත්වන ලෙස ඉල්ලීමක්ද සිදුකර ඇති බවට වාර්තා වේ.