පාර්ලිමේන්තුවේ ගෘහ පාලන අංශයේ ⁣සේවිකාවන් දෙදෙනකු ලිංගික හිංසනයට පත්කිරීම සම්බන්ධයෙන් අත් අඩංගුවට ගෙන අධිකරණය වෙත ඉදිරිපත් කළ පාර්ලිමේන්තු කණිෂ්ක සේවකයන් තිදෙනාගෙන් එක් අයකුට රුපියල් ලක්ෂය බැගින් වූ ශරීර ඇප දෙකක් මත මුදා හරින ලෙස කඩුවෙල මහේස්ත්‍රාත් අධිකරණය ඊයේ නියෝග කළේය.

මෙම තිදෙනා අත්අඩංගුවට ගනු ලැබුවේ පොලිස් ළමා හා කාන්තා කාර්‍යාංශය මගින් සිදුකල විමර්ශනයකින් පසුවය.

මෙම ලිංගික හිංසනයයන් 2022 වසරේදී සිදුව ඇති බවත් ඊට අදාල පැමිණිල්ල ලිංගික හිංසනය සිදු වී වසරකට පමණ පසු පොලිසිය වෙත සිදුකර ඇති බවත් අධිකරණය හමුවේ අනාවරණය විය.

මෙම සිද්ධිය සම්බන්ධයෙන් තවදුරටත් විමර්ශන සිදුකර අධිකරණය වෙත කරුණු වාර්තා කරන ලෙස අධිකරණය විසින් පොලිස් ළමා හා කාන්තා කාර්‍යාංශය වෙත නියෝග කෙරිණි.