වේයන්ගොඩ විහාරස්ථානයක බෝධි පූජාවක් පවත්වමින් සිටි භික්ෂූන් වහන්සේනමකට එම දායක පිරිස් ඉදිරියේම පහරදීමක් සිදුකළ බව පැවැසෙන මවක් හා ඇගේ දියණිය පොලිසිය අත්අඩංගුවට ගෙන තිබේ.

ඔවුන් අත්අඩංගුවට ගෙන අධිකරණයට ඉදිරිපත් කිරීමෙන් පසු දැඩි ලෙස අවවාද කර ඇපමත මුදාහැර ඇත.

එම විහාරස්ථානය අසල පදිංචි 39 හැවිරිදි මවක හා ඇයගේ දාහත් හැවිරිදි දියණිය මෙසේ අත්අඩංගුවට ගෙන තිබිණි.

විහාරාධිකාරී හිමියන්ට පහරදුන් අවස්ථාවේ එම ගැටුම සමනය කර ඇත්තේ, බෝධි පූජාවට සහභාගි වී සිටි උපාසක උපාසිකාවන් විසිනි.

අදාළ භික්ෂූන් වහන්සේ විසින් තම දියණියට දුරකථනය මගින් බලපෑම් කරන බවට ඇගේ මව විසින් පොලිසියට පවසා ඇති අතර, ඒ පිළිබඳව මීට පෙර පොලිසියට පැමිණිල්ලක් ද ඉදිරිපත් කර තිබේ.