ඕස්ට්‍රේලියාවේ යුනයිටඩ් පෙට්‍රෝලියම් සමාගම ඊයේ සිට ශ්‍රී ලංකාවේ සිය ව්‍යාපාර කටයුතු සඳහා නිල වශයෙන් එක්විය.

අලෙවි නියෝජිතයන් සතු සහ ක්‍රියාත්මක ඉන්ධන පිරවුම්හල් 150ක් සමඟින් ඔවුන් සැප්තැම්බර් මාසයේදී සිල්ලර ඉන්ධන මෙහෙයුම් ආරම්භ කරන බව ඇමැති කාංචන විජේසේකර පවසයි.

යුනයිටඩ් පෙට්‍රෝලියම් ඔෆ් ඕස්ට්‍රේලියා(United Petroleum of Australia), LIOC, Sinopec, RM Parks-Shell වලින් පසු ශ්‍රී ලංකා වෙළඳපොළට ඇතුළු වූ 4 වැනි සිල්ලර ඉන්ධන වෙළඳ ක්‍රියාකරු බවට පත්වේ.

United Petroleum of Australia ශ්‍රී ලංකාවේ බලශක්ති ක්ෂේත්‍රයට නිල වශයෙන් එක් වූ අතර, මේ වසර මුලදී ශ්‍රී ලංකා ආයෝජන  මණ්ඩලය(BOI) සමඟ ගිවිසුමක් අත්සන් කළේය.

ආයෝජන මණ්ඩලයට අනුව, ඕස්ට්‍රේලියාවේ යුනයිටඩ් පෙට්‍රෝලියම් ගිවිසුම හරහා ඇමෙරිකානු ඩොලර් මිලියන 27.5ක මූලික ආයෝජනයක් කර ඇත.

ඒ වෙනුවෙන්, ශ්‍රී ලංකාව පුරා දැනට පවතින ඉන්ධන පිරවුම්හල් 150ක් රජයට පවරාගන්නා අතර නව ඉන්ධන පිරවුම්හල් 50ක් ඉදිකිරීමේ අයිතියද තමන් සතු කරගෙන ඇති බව ආයෝජන මණ්ඩලය අනාවරණය කරයි.