යාපනය දිස්ත්‍රික්කයේ ජාතික ජන බලවේග පාර්ලිමේන්තු මන්ත්‍රී කේ. ඉලංකුමාරන් හිටපු කථානායක අශෝක රන්වල ‘වෛද්‍යවරයකු’ ලෙස විස්තර කිරීමත් සමග, අශෝක රන්වලගේ ආචාර්ය උපාධිය සම්බන්ධයෙන් ඇති වූ මතභේදය අමුතු පෙරළියක් ගෙන ඇත.

අශෝක රන්වල පසුගියදා කථානායක ධුරයෙන් ඉල්ලා අස්වූයේ ව්‍යාජ අධ්‍යාපන සුදුසුකම් භාවිත කිරීමේ චෝදනා මධ්‍යයේය.

උතුරේ යූ ටියුබ් වැඩසටහනක් අමතමින් ඉලංකුමාරන් ප්‍රකාශ කළේ, “නැහැ, මේ ආචාර්ය උපාධිය තමන් විසින් ලබාගත් එකක් නොව ජනතාව විසින් නිර්මාණය කරපු දෙයක්. 1989 දී ජපානයට ගිය ඔහු වෛද්‍ය පවුලකින් පැවත එන අතර ජපානයේ වෛද්‍ය විද්‍යාව ද හදාරා තිබෙනවා. ඔහු අපි කවුරුත් දන්නා උපාධියක් ලබා තිබෙනවා. පාර්ලිමේන්තුවේ කථානායකවරයා වීමට වෛද්‍ය උපාධියක් අවශ්‍ය නැහැ”

ඉලංකුමාරන්ගේ ප්‍රකාශවලින් පිළිබිඹු වන්නේ නිසි දැනුමක් නොමැතිකමද නැතහොත් ජනතාව නොමඟ යැවීමේ උත්සාහයක්දැයි විචාරකයෝ ප්‍රශ්න කරති.(Daily Mirror)

https://www.dailymirror.lk/breaking-news/Asoka-Ranwalas-Dr-post-takes-a-ridiculous-turn/108-299233