‘ක්ලීන් ශ්‍රි ලංකා’ වැඩසටහනට සමගාමීව, දිවයින පුරා පිහිටි පාසල් 1000ක් ප්‍රතිසංස්කරණය කිරීමේ ජාතික වැඩසටහනේ ආරම්භය සනිටුහන් කරමින් ඊයේ (පෙබරවාරි මස 20) දින හෝකන්දර, ඉලුක්ඕවිට ප්‍රාථමික විද්‍යාලයේ ප්‍රතිසංස්කරණ කටයුතු ආරම්භ කළ අතර, මෙම අවස්ථාවට ප්‍රධාන ආරාධිත අමුත්තා ලෙස යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ සහභාගි විය.

මෙම ව්‍යාපෘතියේ තවත් අදියරක් ලෙස, අධ්‍යාපනික යටිතල පහසුකම් වැඩිදියුණු කිරීම සඳහා යුද්ධ හමුදාව වෙතින් ලබාදෙන දායකත්වය පෙන්වාදෙමින් එම විද්‍යාලීය විදුහල්පතිවරයා වෙත ඉදිකිරීම් ද්‍රව්‍ය සහ විදුලි උපකරණ පරිත්‍යාගයක්ද මෙහිදී සිදුකෙරිණි.

මෙම අවස්ථාව සඳහා ආරක්‍ෂක සේනා ආඥාපති – බටහිර, මේජර් ජෙනරල් දිනේෂ් උඩුගම හා යුද්ධ හමුදා විධායක ජෙනරල්, මේජර් ජෙනරල් නිලන්ත ප්‍රේමරත්න ඇතුලු ජ්‍යෙෂ්ඨ නිලධාරීහු, රාජ්‍ය නිලධාරීහු, ගුරුවරු, මාපියෝ සහ පාසල් සිසුසිසුවියෝ රැසක් සහභාගි වී සිටියහ.