පසුගියදා ශ්‍රී ලංකාවේ පැවති ලෙජන්ඩ්ස් ක්‍රිකට් කුසලාන 2024 තරගාවලිය සඳහා ඔට්ටු ඇල්ලීම සම්බන්ධයෙන් හිටපු ලෝක කුසලාන ජයග්‍රාහී කණ්ඩායමේ නායක අර්ජුන රණතුංග ප්‍රශ්න කර තිබේ.

ජනමාධ්‍යවේදීන් අමතමින් රණතුංග ප්‍රශ්න කළේ, මෙම ක්‍රිකට් තරගාවලිය ශ්‍රී ලංකාවේ පැවැත්වීමට අවසර දුන්නේ කවුරුන්ද යන්නයි.

ක්‍රිකට් තරඟාවලිය අතරතුර ඔට්ටු ඇල්ලීමේ සමාගම්වලට ප්‍රචාරණ කටයුතු සඳහා අවසර ලබාදී තිබූ බව ද අර්ජුන රණතුංග හෙළිකර ඇත.

“ශ්‍රී ලංකාව ඔට්ටු අල්ලන සමාගම්වලට ප්‍රචාරණය කිරීමට ඉඩ දෙන්නේ නැහැ. නමුත් මේක ක්‍රීඩා ඇමැතිට, ජනාධිපතිට, අගමැතිට, අදාළ බලධාරීන්ට පේන්නේ නැහැ.” ඔහු සඳහන් කරයි.

ඒ ශ්‍රී ලංකාව ක්‍රීඩාව හරහා ඔට්ටු අල්ලන ස්ථානයකට පැමිණ ඇති බවත්, ඒ සඳහා පුද්ගලයින් කිහිපදෙනෙකුගේ සහාය ලැබෙන බවත් හිටපු හෙතෙම පවසයි.