අතුරුදන් වූවන් පිළිබඳ කාර්යාලයේ පුරප්පාඩු පිරවීම සඳහා ශ්‍රී ලංකා පාර්ලිමේන්තුව විසින් අයදුම්පත් කැඳවා ඇත.

ඒ අනුව, අතුරුදන් වූවන් පිළිබඳ කාර්යාලයේ කාර්යයන් ඉටු කිරීම සඳහා කරුණු සෙවීම හෝ විමර්ශනය, මානව හිමිකම් නීතිය, අන්තර්ජාතික මානුෂීය නීතිය, මානුෂීය ප්‍රතිචාරය හෝ වෙනත් අදාළ සුදුසුකම් ඇති පුද්ගලයන්ට ඔවුන්ගේ අයදුම්පත් 2024 මැයි 27 හෝ ඊට පෙර යොමු කරන ලෙස දැනුම්දී තිබේ.

අයදුම්පත් ‘ව්‍යවස්ථාදායක සභාව, ව්‍යවස්ථාදායක සභා කාර්යාලය, ශ්‍රී ලංකා පාර්ලිමේන්තුව, ශ්‍රී ජයවර්ධනපුර කෝට්ටේ යන ලිපිනයට පාර්ලිමේන්තුවේ මහලේකම් වෙත ලියාපදිංචි තැපෑලෙන් හෝ constitutionalcouncil@parliament.lk යන විද්‍යුත් තැපෑලෙන් යොමු කළ යුතුය.

අතුරුදන් වූවන් පිළිබඳ කාර්යාලය ශ්‍රී ලංකාවේ අතුරුදහන් වූවන්ගේ සහ ඔවුන්ගේ පවුල්වල අයගේ අයිතිවාසිකම් සහ අවශ්‍යතා ආරක්ෂා කිරීම සහ ශ්‍රී ලංකාවේ අතුරුදහන් වූවන්ගේ ඉරණම පිළිබඳ සත්‍යය සෙවීමේ වගකීම පැවරී ඇති ස්ථිර සහ ස්වාධීන රාජ්‍ය ආයතනයකි.

2018 පෙබරවාරි 28 වැනි දින, ආණ්ඩුක්‍රම ව්‍යවස්ථා සභාවේ නිර්දේශ මත කොමසාරිස්වරුන් හත් දෙනෙකු පත් කිරීමත් සමඟ අතුරුදන් වූවන් පිළිබඳ කාර්යාලය ක්‍රියාත්මක විය.