කොළඹ සිට බදුල්ල බලා ධාවනය වූ පොඩිමැණිකේ සීඝ්‍රගාමී දුම්රියෙන් ඔහිය ප්‍රදේශයේදී ඉරාන ජාතික සංචාරකයකු වැටී බරපතළ තුවාල ලබා බදුල්ල ශික්ෂණ රෝහලට ඇතුළත් කර තිබේ.

29 හැවිරිදි මෙම සංචාරකයා ඇල්ල ප්‍රදේශයේ සංචාරයක නිරතව ඇත.

දුම්රියෙන් හපුතලේ දුම්රිය ස්ථානයට රැගෙන ආ තුවාලකරු දියතලාව රෝහලට ඇතුළත් කිරීමෙන් පසු බදුල්ල ශික්ෂණ රෝහල වෙත මාරුකර යවා තිබේ.

සහකාර පොලිස් අධිකාරී රුවන් ප්‍රනාන්දුගේ උපදෙස් මත හපුතලේ පොලිසිය පරීක්ෂණ පවත්වයි.