ඉන්දීය නාවික හමුදාවට අයත් සබ්මැරීනයක් නිල සංචාරයක් සඳහා අද (පෙබරවාරි 03) කොළඹ වරායට සේන්දු විය.

මෙම සංචාරයට පැමිණි සබ්මැරීනය ශ්‍රී ලංකා නාවික හමුදාව විසින් නාවික සම්ප්‍රදායානුකූලව නිරවද්‍ය ලෙස පිළිගන්නා ලදී.

‘INS Karanj නම් මෙම සබ්මැරීනය, 53 දෙනෙකුගෙන් යුත් කාර්ය මණ්ඩලයකින් යුත් මීටර් 67.5 ක දිගින් යුක්ත අතර, එය අණදෙන නිලධාරි අරුණබ් විසින් මෙහෙයවනු ලැබේ.

සබ්මැරීනය දිවයිනේ පවතින අතරතුර, ශ්‍රී ලංකා නාවික හමුදාවේ සාමාජිකයන් සබ්මැරීන දැනුවත් කිරීමේ වැඩසටහනකට සහභාගී වන අතර, සබ්මැරීන කාර්ය මණ්ඩලය දිවයිනේ සංචාරක ආකර්ෂණ ස්ථාන කිහිපයක් ගවේෂණය කිරීමට නියමිතය.

නිල සංචාරය අවසන් කරමින් INS ‘කරන්ජ්’ නෞකාව පෙබරවාරි 05 වැනිදා දිවයිනෙන් පිටත්ව යනු ඇත.