අයහපත් කාලගුණය හේතුවෙන් දින කිහිපයක් අත්හිටුවා තිබූ 2024 උසස් පෙළ විභාගය හෙට (4) යළි ආරම්භ වීමට නියමිතය.

විභාගය නොවැම්බර් 25 වැනිදා ආරම්භ වූ නමුත් දිවයින පුරා පවතින අයහපත් කාලගුණික තත්ත්වය හේතුවෙන් නොවැම්බර් 27 වැනිදා තාවකාලිකව අත්හිටුවීමට විභාග දෙපාර්තමේන්තුව කටයුතු කළේය.

සිසුන්ට ලබා දී ඇති මුල් කාලසටහනට අනුව හෙට දින සිට ඉදිරි දිනවලට අදාළව විභාග පැවැත්වෙන බව විභාග දෙපාර්තමේන්තුව පවසයි.

අත්හිටවූ දිනයන්ට අදාළ විෂයයන් නැවත පැවැත්වීම සඳහා දින වෙන්කෙරෙනු අතර, නව කාලසටහන් කඩිනමින් සිසුන් වෙත බෙදා හරින බව ද විභාග දෙපාර්තමේන්තුව පවසයි.