එයාර් ඉන්ඩියා ගුවන් සමාගම ශ්‍රී ලංකාවේ හිටපු සාමාන්‍ය විකුණුම් නියෝජිතයකු වන Indu Sky Aviation Ltd වෙතින් එල්ල වූ නීතිමය අභියෝගයක් සාර්ථක ලෙස ජයගෙන ඇතැයි වාර්තා වේ.

දෙපාර්ශවය අතර පැවැති ගිවිසුම 2024 මාර්තු මාසයේදී කල්ඉකුත් වූ පසු එයාර් ඉන්දියා සිය සාමාන්‍ය විකුණුම් තෙවැනි පාර්ශවයකට පැවරීම වැළැක්වීමට නියෝග‍යක් ඉල්ලා ඉන්දු ස්කයි එයාර් විසින් කොළඹ දිසා අධිකරණයේ නීතිමය ක්‍රියාමාර්ගයක් ගෙන තිබිණි.

2024 මාර්තු මාසයෙන් පසු Indu Sky සමඟ ඇති සාමාන්‍ය විකුණුම් නියෝජිතායතන ගිවිසුම දීර්ඝ කිරීම Air India විසින් ප්‍රතික්ෂේප කිරීම හේතුවෙන් සිදුවූ බව කියන පාඩුව සහ හානිය වෙනුවෙන් ඉන්දු ස්කයි වෙනුවෙන් පෙනීසිටි ජනාධිපති නීතීඥ උපුල් ජයසූරිය ද ආසන්න වශයෙන් රුපියල් බිලියන 1 ක වන්දියක් ඉල්ලා තිබේ.

Indu Sky 2024 මාර්තු 26 වැනි දින වාරණ නියෝග සඳහා අයැදුම්පතක් යොමුකර තිබුණ ද, දිසා අධිකරණය එය නිකුත්කිරීම ප්‍රතික්ෂේප කළ නමුත් ඉන්දු ස්කයි දිසා අධිකරණයේ අතුරු තහනම් නියෝගයල් ලබාගැනීම සඳහා යළිත් ක්‍රියාමාර්ගය අනුගමනය කර තිබේ.

සාමාන්‍ය විකුණුම් නියෝජිතායතන ගිවිසුම ඉන්දීය බේරුම්කරණ පනත යටතේ බේරුම්කරණය සඳහා සපයන බේරුම්කරණ වගන්තියකට යටත් වන බවත්, බේරුම්කරණය පිළිබඳ නිසි සඳහනක් නොමැතිව කිසිදු අතුරු නියෝගයක් තීරණය කිරීමට දිසා අධිකරණයට අධිකරණ බලයක් නොමැති බවත් ඇතුළුව ඉන්දු ස්කයි ආයතනයේ අතුරු තහනම් නියෝගයක් සඳහා වන අයැදුම්පතට එයාර් ඉන්දියා මූලික විරෝධතා කිහිපයක් මතුකර ඇත.

2025 පෙබරවාරි 27 දිනැති නියෝගයෙන් කොළඹ දිසා අධිකරණයේ විනිසුරු සඳුන් විතානගේ එයාර් ඉන්දියා සමාගමේ විරෝධතා තහවුරු කරමින් අතුරු තහනම් නියෝගයක් සඳහා වූ අයැදුම්පත ප්‍රතික්ෂේප කර ඇති අතර, ඉන්දු ස්කයි විසින් ගොනුකරන ලද සම්පූර්ණ අයැදුම්පත ප්‍රතික්ෂේප කිරීමට කටයුතු කළේ දිසා අධිකරණයට අධිකරණ බලයක් නොමැති බව පවසමිනි.