ආදේශක ක්‍රමයක් මගින් දරුවෙකු ලැබීම සඳහා අඹුසැමියන් විදේශගත වීම ඉතාලිය විසින් නීතිවිරෝධී ක්‍රියාවක් ලෙස ප්‍රකාශයට පත්කර තිබේ.

ඒ සඳහා නීත්‍යානුකූලභාවය ප්‍රකාශයට පත්කර ඇති අමෙරිකාව හෝ කැනඩාව වැනි රටවල තුළ හෝ ආදේශක ක්‍රමයක් ඔස්සේ දරුවෙකු ලැබීම ඉතාලි වැසියන්ට තහනම් වනු ඇති.

නව නීතිය කඩකරන පුද්ගලයන්ට වසර දෙකක සිරදඬුවමක් සහ යුරෝ මිලියන 1 (පවුම් 835,710) දක්වා දඩ මුදලක් ගෙවීමට සිදුවන බව ද විදෙස් ජනමාධ්‍ය වාර්තා කර තිබේ.

නව නීතිය ඊයේ ඉතාලියේ සෙනෙට් සභාවේදී වැඩි ඡන්ද 24 කින් සම්මත විය.

ඉතාලියේ අන්ත දක්ෂිණාංශික පාලක පක්ෂය විසින් යෝජනා කරන ලද නීතිය මගින් එරට සිටින සමරිසි පුද්ගලයන් ඉලක්ක කර ඇතැයි චෝදනා එල්ල වේ.

ඉතාලිය තුළ ආදේශක ක්‍රම ඔස්සේ දරුවන් ලැබීමට අවසර නැත.

ආදේශකත්වය යනු සාමාන්‍යයෙන් සශ්‍රීකත්වය පිළිබඳ ගැටළු හෝ සමරිසි සබඳතා ඇති පිරිමින් හෝ කාන්තාවක් වෙනත් යුවලකට හෝ පුද්ගලයෙකුට දාව ගැබ්ගැනීමක් සිදුකිරීමයි.