සූර්යයා අධ්‍යයනය කිරීම සඳහා පිටත් කර හරින ලද ඉන්දියාවේ ප්‍රථම අභ්‍යවකාශ යානය වන ආදිත්‍ය L1 පසුගිය සිකුරාදා හිමිදිරියේ සිව්වන පෘථිවි කක්ෂයට සාර්ථකව මාරුවූ බව ඉන්දියානු අභ්‍යවකාශ පර්යේෂණ සංවිධානය (ISRO) පවසයි.

මොරිෂස්, බෙංගාලෝර්, SDSC-SHAR සහ පෝට් බ්ලෙයාර් හි පිහිටි ISRO ගොඩබිම් මධ්‍යස්ථාන මෙම මෙහෙයුමේදී චන්ද්‍රිකාව නිරීක්ෂණය කර තිබේ.

ආදිත්‍ය-L1 යනු පෘථිවියේ සිට දළ වශයෙන් කිලෝමීටර මිලියන 1.5ක් දුරින් පිහිටි, පළමු සූර්ය-පෘථිවි ලග්‍රංගියානු ලක්ෂ්‍යය (L1) වටා ඇති හැලෝ කක්ෂයක සිට සූර්යයා අධ්‍යයනය කරන පළමු ඉන්දියානු අභ්‍යවකාශ පාදක නිරීක්ෂණාගාරයයි.

යානය සැප්තැම්බර් 3, 5 සහ 10 යන දිනවලදී පිළිවෙළින් පළමු, දෙවන සහ තුන්වන පෘථිවි කක්ෂ වෙත උපමාරුව සාර්ථකව සිදුකරන ලදී.

අභ්‍යවකාශ යානය පෘථිවිය වටා දින 16 ක ගමනක් යන අතරතුර මෙම උපාමාරු සිදුකරනු ලබන අතර එම යානය L1 වෙත තවදුරටත් ගමන් කිරීම සඳහා අවශ්‍ය ප්‍රවේගය ලබා ගනී.

ISRO විසින් සිය සූර්ය ගවේෂණ යානය සැප්තැම්බර් 2වැනි දින ශ්‍රිහරිකොටා හි සතිෂ් ධවාන් අභ්‍යවකාශ මධ්‍යස්ථානයෙන් සාර්ථකව අභ්‍යවකාශ ගතකරන ලදී.