July 19, 2023
‘මහාභාරතම්’ සහ ‘ශක්තිමන්’ වැනි රූපවාහිනී කතාමාලාවල රඟපා ඇති ඉන්දීය නළු මුකේෂ් ඛන්නා, අධ්‍යක්ෂ ඕම් රාවට්ගේ ‘ආදිපුරුෂ්’ චිත්‍රපටයට කෝපයෙන් විවේචනය කර ඇත.
සම්මුඛ සාකච්ඡාවකදී මුකේෂ් ඛන්නා කියා සිටියේ ආදිපුරුෂ් චිත්‍රපටයේ දෙබස් සහ ඇඳුම් පැළඳුම් බලාපොරොත්තු සුන්කරවන බවත්, එය රාමායණ රසිකයින්ට ‘දරුණු විහිළුවක්’ බවත්ය.
අධ්‍යක්ෂවරයා විසින් කිසිදු පුරාණ කතාවක් කියවා නැති බවද ඔහු පවසා ඇත.
චිත්‍රපටය නිර්මාණය කළ පුද්ගලයන්ට දැඩි දඬුවම් ලබාදිය යුතු බවද මුකේෂ් ඛන්නා වැඩිදුරටත් පවසා ඇත.
ප්‍රභාස්, සයිෆ් අලි ඛාන්, ක්‍රිටි සැනොන්, සනී සිං, සහ දේව්දුත්ත නාගේ යන ජනප්‍රිය ජනප්‍රිය නළුනිළියෝ ආදිපුරුෂ්හි රංගනයෙන් දායක වෙති.
