February 9, 2024
සංවිධානාත්මක අපරාධ කල්ලි සාමාජිකයන් සමඟ සම්බන්ධ පොලිස් නිලධාරීන් පිළිබඳ තොරතුරු අනාවරණ වී ඇති බව වැඩබලන පොලිස්පති දේශබන්දු තෙන්නකෝන් ප්‍රකාශ කළේය.
කොළඹදී ජනමාධ්‍ය වෙත අදහස් දක්වමින් තෙන්නකෝන් වැඩිදුරටත් අනතුරු ඇඟවූයේ, එවැනි නිලධාරීන්ට තරාතිරම නොබලා නීතිය ක්‍රියාත්මක කිරීමට තමන් පසුබට නොවන බවයි.
සැකකාර සංවිධානාත්මක අපරාධකරු සහ මත්ද්‍රව්‍ය ජාවාරම්කරු නඳුන් චින්තක හෙවත් හරක් කටාට ආධාර අනුබල දුන් පොලිස් නිලධාරීන් කිහිපදෙනකු පිළිබඳ තොරතුරු මේ වනවිට අනාවරණය කරගෙන ඇති බවද ඔහු වැඩිදුරටත් සඳහන් කළේය.
