February 27, 2025
බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර භික්ෂුව කියාසිටියේ සිරදඬුවම විඳිමින් සිටියදී තමන්ට අමානුෂික ලෙස සැළකූ බවයි.
මාස නවයක සරල සිරදඬුවමක් නියම වූ ඥානසාර භික්ෂුව, ඉස්ලාම් ආගමට අපහාස කිරීම සම්බන්ධ නඩුවකදී මේ සතියේ කොළඹ මහාධිකරණය විසින් ඇප මත නිදහස් කරන ලදී.
අනතුරුව ජනමාධ්‍ය වෙත අදහස් දක්වමින් භික්ෂුව චෝදනා කළේ, තම අසනීප තත්ත්වයන් හේතුවෙන් වෛද්‍යවරුන් දිනපතා නිවෙසේ සකස් කළ ආහාර වේලක් නිර්දේශ කළද, බන්ධනාගාර බලධාරීන් සිය ඉල්ලීම ප්‍රතික්ෂේප කළ බවයි.
“මෙය රජයේ තීරණයක්ද නැතිනම් බන්ධනාගාර නිලධාරීන්ගේ අත්තනෝමතික ක්‍රියාවක්ද?” භික්ෂුව ප්‍රශ්න කළේය.
බන්ධනාගාර රෝහලේ සිරකරුවන්ට අසාධාරණ ලෙස සැළකූ බවත්, යූ ටියුබ්කරුවන් සහ බලගතු පුද්ගලයන්ගේ පීඩනය හේතුවෙන් වෛද්‍ය අවශ්‍යතා නොසළකා හැර ඇති බවත් භික්ෂුව තවදුරටත් කියාසිටියේය.
තමන් සහ දුමින්ද සිල්වා වැනි සිරකරුවන්ට පක්ෂග්‍රාහී ලෙස සැළකූ බවට බන්ධනාගාර නිලධාරීන් බිය වන බවත් භික්ෂුව පැවැසීය.
