November 30, 2023
වෙරිටේ රිසර්ච් විසින් සිදු කරන ලද සමීක්ෂණයකට අනුව පාස්කු ප්‍රහාරයට දේශපාලන බලවේග සම්බන්ධ වූ බව ශ්‍රී ලාංකිකයන්ගෙන් 50% කට වැඩි පිරිසක් පවසති.
ශ්‍රී ලංකාවේ ජනගහනයෙන් අඩකට වඩා (සියයට 53%ක්) 2019 පාස්කු ඉරිදා ප්‍රහාරයට දේශපාලන බලවේග සම්බන්ධ බව විශ්වාස කරති.
ප්‍රහාර පිටුපස සිටින්නේ කවුරුන්ද යන්න පිළිබඳව සමීක්ෂණයට ලක්වූවන්ට රට තුළ ප්‍රචලිත පහත දැක්වෙන අදහස් තුනක් ලබා දී ඇති අතර, ඔවුන් වඩාත් එකඟ වන තැනැත්තා තෝරා ගන්නා ලෙස එහිදී දැනුම්දී ඇත.
එම අදහස් 03 වන්නේ;
1) එය සිදුකරනු ලැබුවේ අන්තරායකර විදේශ බලවේග සමඟ කටයුතු කළ ශ්‍රී ලංකා අන්තවාදීන් විසිනි
2) එය සිදුකරනු ලැබුවේ දේශීය දේශපාලන බලවේග සමඟ කටයුතු කළ ශ්‍රී ලංකා අන්තවාදීන් විසිනි.
3) එය සිදුකරනු ලැබුවේ දේශීය දේශපාලන බලවේග සහ භයානක විදේශීය බලවේග යන දෙකම සමඟ කටයුතු කළ ශ්‍රී ලංකා අන්තවාදීන් විසිනි
එහිදී සියයට 53 ක් විශ්වාස කරන්නේ, දේශීය දේශපාලන බලවේග ප්‍රහාරයට සම්බන්ධ වී ඇති බවයි. සියයට 30 දෙවන පිළිතුර තෝරා ගත් අතර සියයට 23% තුන්වන පිළිතුර තෝරාගෙන ඇත.
දේශීය දේශපාලන බලවේගවල මැදිහත්වීමකින් තොරව එය සිදු කළ බව විශ්වාස කළේ කරන්නේ, සියයට 08% ක් පමණි.
මෙම මත විමසුම 2023 ඔක්තෝම්බර් මාසයේදී පවත්වන ලද අතර, එය ශ්‍රී ලාංකික වැඩිහිටියන් 1,029 කින් දීප ව්‍යාප්ත, ජාතික වශයෙන් නියෝජනය වන ප්‍රතිචාර නියැදියක් මත පදනම් වී තිබේ.
