ශ්‍රී ලංකා ජාතික ක්‍රිකට් කණ්ඩායමේ වේගපන්දු පුහුණුකරු ලෙස හිටපු පාකිස්ථාන වේගපන්දු යවන ක්‍රීඩක ආකිබ් ජාවෙඩ් පත්කර ඇති බව ශ්‍රී ලංකා ක්‍රිකට් ආයතනය ප්‍රකාශ කරයි.

2024 ජුනි මාසයේදී බටහිර ඉන්දීය කොදෙව් සහ අමෙරිකා එක්සත් ජනපදයේ පැවැත්වීමට නියමිත ICC පිරිමි T20 ලෝක කුසලානය අවසන් වන තෙක් ඔහු ජාතික කණ්ඩායම සමඟ කටයුතු කරනු ඇත.

ජාවෙඩ් පාකිස්ථානය වෙනුවෙන් එක්දින තරග 163කට සහ ටෙස්ට් තරග 22කට ක්‍රීඩා කරමින් අන්තර්ජාතික පිටියේ කඩුලු 236ක් ලබාගෙන තිබේ.

1992 ලෝක කුසලාන ජයග්‍රාහී පකිස්ථාන කණ්ඩායමේ සාමාජිකයකු වන ජාවෙඩ් විවිධ පුහුණු කිරීමේ හැකියාවන් යටතේ ජාතික කණ්ඩායම් කිහිපයක් සඳහා සේවය කර ඇත.

පාකිස්තාන ජාතික කණ්ඩායමේ පන්දු යැවීමේ පුහුණුකරු ලෙස කටයුතු කිරීම, එක්සත් අරාබි එමීර් රාජ්‍යයේ ජාතික කණ්ඩායමේ පුහුණුකරු ලෙස කටයුතු කිරීම සහ ඇෆ්ගනිස්තාන ජාතික කණ්ඩායම සමඟ සංවර්ධන කාර්යභාරයක් ඉටුකිරීම එම කාර්යයන් අතර වේ.

දැනට ඔහු ක්‍රිකට් මෙහෙයුම් අධ්‍යක්ෂ සහ පකිස්ථාන ප්‍රිමියර් ලීගයේ ලාහෝර් ක්ලැන්ඩර්ස් හි ප්‍රධාන පුහුණුකරු ලෙස කටයුතු කරයි.