නීතිවිරෝධී ලෙස ශ්‍රී ලංකාවට රැගෙන ආ එනසාල් තොගයක් සමඟ සැකකරුවකු ඊයේ (01) රාත්‍රියේ කටුනායක බණ්ඩාරනායක අන්තර්ජාතික ගුවන් තොටුපළේ පැමිණීමේ පර්යන්තයේ දී ගුවන් තොටුපළ පොලිස් ස්ථානයේ නිලධාරීන් සිදුකළ වැටලීමකදී අත්අඩංගුවට ගෙන තිබේ.

ඩුබායි සිට පැමිණි අදාළ සැකකරු සතුව තිබී එනසාල් කිලෝග්‍රෑම් 76යි ග්‍රෑම් 300ක් සහ ජංගම දුරකථන 08ක් සොයා ගත් බව පොලිසිය සඳහන් කරයි.

48 හැවිරිදි සැකකරු කොළඹ 12 ප්‍රදේශයේ පදිංචිකරුවෙකි.

සිද්ධිය සම්බන්ධයෙන් ගුවන්තොටුපොළ පොලීසිය වැඩිදුර විමර්ශන සිදුකරයි.