October 23, 2023
ළමා කතා පොත් අතර සඟවා නීතිවිරෝධී ලෙස කොකේන් මෙරටට රැගෙන ඒමට උත්සාහ කළ ඉන්දුනීසියානු ජාතික කාන්තාවක කටුනායක ගුවන් තොටුපළේදී අත්අඩංගුවට ගෙන තිබේ.
රේගු නිලධාරීන් පැවසුවේ, කොකේන් කිලෝග්‍රෑම් 4.598ක් මෙහිදී සිය භාරයට ගත් බවයි.
ළමා කතා පොත් අටක පිටුපස කවරවල සඟවාතිබූ මෙම කොකේන් තොගයේ වටිනාකම රුපියල් මිලියන 230කි.
සැකකාරිය කටුනායක ගුවන් තොටුපළට පැමිණි අවස්ථාවේදී ඊයේ අත්අඩංගුවට ගෙන ඇත.
ඇය ඉන්දුනීසියාවේ ඇඟලුම් ව්‍යාපාරයක් පවත්වාගෙන යන 42 හැවිරිදි කාන්තාවක් බව මූලික විමර්ශනවලදී අනාවරණය වී තිබේ.
