January 13, 2024
එක්සත් රාජධානියේ ලන්ඩන් නගරයේ විශ්වවිද්‍යාලයක අධ්‍යාපනය ලබමින් සිටි මෙරට තරුණයකු පිහි ඇනුමකට ලක් වී පෙරේදා (11) මිය ගොස් තිබේ.
මෙසේ මිය ගොස් ඇත්තේ යාපනයේ කරෙයිනගර් ප්‍රදේශයේ එස්. වින්දන් නමැති වයස අවුරුදු 16ක තරුණයෙකි.
ඔහු විශ්වවිද්‍යාලයේ අධ්‍යයන කටයුතුවලින් පසුව සිය නවාතැන දක්වා පැමිණෙමින් සිටියදී නිරිතදිග ලන්ඩනයේ ට්විකන්හැම් ප්‍රදේශයේදී දුම්රිය තුළ මෙම සිද්ධිය සිදුවී තිබේ.
මේ අවස්ථාවේ වහා ක්‍රියාත්මක වූ දුම්රිය මඟීන් පිරිසක් සිසුවාට පිහි ඇනුම සිදුකළ සිව්දෙනකු අල්ලා ආරක්ෂක නිලධාරීන් වෙත භාරදීමෙන් පසු ඔවුන් ට්විකන්හැම් පොලිසියට භාර දී ඇත.
මෙම තරුණයා ඝාතනය කිරීමට හේතුව මෙතෙක් ආනාවරණය වී නැති අතර, ලන්ඩනයේ ට්විකන්හැම් පොලිසිය සිද්ධිය සම්බන්ධයෙන් පරීක්ෂණ අරඹා ඇත.
