October 25, 2023
මැලේසියාවේ ක්වාලාලාම්පූර්හි සිදුවූ රිය අනතුරකින් ශ්‍රී ලාංකික යුවලක් ජීවිතක්ෂයට පත්ව ඇති බව වාර්තා වේ.
මැලේසියාවේ මෘදුකාංග ඉංජිනේරුවන් ලෙස සේවය කළ බව කියන 33 සහ 35 හැවිරිදි විවාහක යුවළ ගමන් කළ වාහනය ක්වාලාලාම්පූර් නගරයේදී තවත් වාහනයක ගැටීමෙන් මෙලෙස මිය ගොස් ඇති බව පැවැසේ.
කෙසේවෙතත් අනතුර සිදුවන අවස්ථාවේ මෝටර් රථයේ සිටි අඹුසැමි යුවලගේ දියණියට කිසිදු හානියක් සිදුවී නොමැත.
ඔවුන් පදිංචි නිවස ආසන්නයේ මෙම සිද්ධිය සිදුව ඇති බවයි වාර්තා සඳහන් කරයි.
මේ අතර මියගිය අයගේ සිරුරු ශ්‍රී ලංකාවට රැගෙන ඒමට නියමිත බව වාර්තා සඳහන් කරයි.
