විදුලිසැර වැදීමෙන් වයස අවුරුදු 7ක කුඩා දරුවකු මියයෑම පිළිබඳ ඛේදජනක පුවතක් පුලියන්කුලම පොලිස් වසමේ පලෙයිවාඩි ප්‍රදේශයෙන් වාර්තා වේ.

පුලියන්කුලම පොලිසිය පවසන්නේ ඊයේ රාත්‍රියේ දරුවාට විදුලිසැර වැදී ඇති බවයි.

අනතුරුව වව්නියාව රෝහලට රැගෙන ගොස් ඇතත් ඒ වනවිටත් දරුවා මියගොස් සිටි බව පොලිසිය පවසයි.

එලෙස මියගොස් ඇත්තේ පුලියන්කුලම, පලෙයිවාඩි ප්‍රදේශයේ පදිංචිව සිටි දරුවෙකි.

ජල පොම්පයකින් විදුලි ධාරාවක් ස්පර්ශ වීමෙන් දරුවාට විදුලිසැර වැදී ඇති බව පරීක්ෂණවලදී අනාවරණය වී තිබේ.

මෘතශරීරය වැඩිදුර පරීක්ෂණ සඳහා වවුනියාව රෝහලේ මෘත ශරීරාගාරයේ තැන්පත් කර ඇති අතර සිද්ධිය සම්බන්ධයෙන් පුලියන්කුලම පොලිසිය පරීක්ෂණ සිදුකරයි.