December 23, 2023
කැනඩාවේ ඔන්ටාරියෝ ප්‍රාන්තයේ බ්‍රැම්ප්ටන්හි 27 හැවිරිදි ඉන්දු-කැනේඩියානු ට්‍රක් රථ රියදුරෙකු වන මන්ප්‍රීත් සිංට මත්ද්‍රව්‍ය ජාවාරමේ නිරත වීම සම්බන්ධයෙන් චෝදනා එල්ල වී තිබේ.
කොකේන් කිලෝග්‍රෑම් 52ක පමණ ප්‍රමාණයෙන් යුත් කොකේන් මත්ද්‍රව්‍ය තොගයක් බලධාරීන් විසින් අත්අඩංගුවට ගෙන රාජසන්තක කර ඇති අතර, ඔහුව අත්අඩංගුවට ගෙන ඇත.
එම ට්‍රක් රථය පොයින්ට් එඩ්වඩ්හි බ්ලූ වෝටර් බ්‍රිජ් වරායේ දේශසීමාව හරහා යාමේදී එහි දේශසීමා සේවා නිලධාරීන් විසින් කොකේන් කිලෝග්‍රෑම් 52ක් අඩංගු බවට සැකකෙරෙන පෙට්ටි කිහිපයක් සොයාගෙන ඇති අතර, එහිදී ඔහුව අත්අඩංගුවට ගන්නා ලදී.
කොකේන් ආනයනය කිරීම හා සන්තකයේ තබා ගැනීම සම්බන්ධයෙන් ඔහුට චෝදනා එල්ල වී තිබේ.
දේශසීමා හරහා මත්ද්‍රව්‍ය ගලා ඒම මැඩපැවැත්වීමේදී, නීතිය ක්‍රියාත්මක කරන ආයතන මුහුණදෙන අඛණ්ඩ අභියෝග පිළිබඳවද මෙම සිදුවීම හරහා අවදානය යොමුකර තිබේ.
2023 ජනවාරි සිට ඔක්තෝබර් 31 දක්වා, දකුණු ඔන්ටාරියෝ කලාපයේ පමණක් කැනඩාවේ දේශසීමා සේවා නියෝජිත ආයතනය (CBSA) විසින් මත්ද්‍රව්‍ය කිලෝග්‍රෑම් 1,300කට වඩා අත්අඩංගුවට ගෙන ඇති බවට වාර්තා වේ.
