2022 වසරේ මැයි 09 වැනි දින පැවති ජනතා විරෝධතාවයේදී විනාශ වූ සෙවනගල ප්‍රදේශයේ නිවසක් සඳහා රාජපක්ෂවරයකුට වන්දි ලැබී ඇති බව ජනාධිපති අනුර කුමාර දිසානායක ඊයේ(31) හෙළිකළේය.

වන්දි ලබාගත් රාජපක්ෂ පිළිබඳ වාර්තාවක් ඉක්මනින් සම්පාදනය කිරීමට නියමිත බව ජනාධිපති දිසානායක පැවසීය.

වැඩිදුර තොරතුරු සඳහන් කරමින් ජනාධිපතිවරයා පැවසුවේ අදාළ නිවස මෙම කියන්න වූ රාජපක්ෂට අයත් නොවන බව සොයාගෙන ඇති බවයි.

“ඉඩම් ඔප්පුව වෙනත් පුද්ගලයකුගේ නම යටතේ තියෙන්නේ. නිවස තවත් කෙනෙකුගේ නම යටතේ. කොහොමවුණත් , වන්දි මුදල රාජපක්ෂවරයකුට ලැබිලා,” යැයි ඔහු පැවසීය.

මෙම තොරතුරු අඩංගු වාර්තාව මෑතකදී තමාට ලැබුණු බවත් එය තවමත් පාර්ලිමේන්තුවට ඉදිරිපත් කර නොමැති බවත් ජනාධිපති දිසානායක පැවසීය.

බුත්තල දී ඊයේ පැවති මහජන රැස්වීමක් අමතමින් ජනාධිපති අනුර කුමාර දිසානායක මේ බව හෙළිදරව් කළේය.