රුපියල් 11,000 ක අල්ලසක් ලබාගත් තැපැල් දෙපාර්තමේන්තුවේ කාර්යාල සහායකයෙකුට වසර හතකින් ගෙවී යන පරිදි, වසර 28ක බරපතල වැඩ සහිත සිරදඬුවමක් නියම කර ඇත.

මීරිගම ව්‍යාපාරිකයකු විසින් ගොනුකරන ලද පැමිණිල්ලක් සම්බන්ධයෙන් වන නඩුවකට අදාළව කොළඹ මහාධිකරණ විනිසුරු මහේෂ් වීරමන් මෙම නියෝගය නිකුත් කර ඇති බව වාර්තා වේ.

පැමිණිලිකරුට අනුව, මධ්‍යම තැපැල් හුවමාරුවේ අන්තර්ජාතික අධිවේගී අංශයෙන් ශ්‍රී ලංකාවට ආනයනය කරන ලද සීසීටීවී කැමරා 30 ක් තීරුබදු රහිතව මුදාහැරීම සඳහා කාර්යාල සහායක අල්ලසක් ඉල්ලා තිබේ.

චෝදනා හතරක් යටතේ කොළඹ මහාධිකරණය කාර්යාල සහායකවරයා වරදකරු කළ අතර, එක් චෝදනාවකට වසර 07 ක සිරදඬුවමක් නියම කළේය.

ගෙවීම පියවීමට අපොහොසත් වුවහොත් තවත් මාස 06 ක සිර දඬුවමක් නියම වන බවට අනතුරු ඇඟවූ විනිසුරුවරයා කාර්යාල සහායකවරයාට රුපියල් 5000 ක දඩයක් ද නියම කළේය.