January 30, 2025
හිටපු ජනාධිපති මහින්ද රාජපක්ෂ දැනට පදිංචිව සිටින විජේරාම පිහිටි නිල නිවසේ දින 7ක පිරිත් සජ්ඣායනයක් පැවැත්වීමට කටයුතු යොදා තිබේ.
මේ සම්බන්ධයෙන් හිටපු ජනාධිපතිවරයාගේ ෆේස්බුක් පිටුවෙඩ් සටහනක් ද තබා ඇත.
ඒ අනුව පිරිත් සජ්ඣායනයේ සමාරම්භක අවස්ථාවට ශ්‍යාමෝපාලි මහා නිකායේ අස්ගිරි මහාවිහාර පාර්ශ්වයේ අනුනායක පූජ්‍ය වේඬරුවේ ධර්මකීර්ති ශ්‍රී රතනපාල උපාලි අභිධාන අනුනායක ස්වාමීන් වහන්සේ හා ශ්‍රී සම්බෝධි විහාරාධිපති, බෞද්ධයා නාලිකාවේ සභාපති, පූජ්‍යපාද බොරලන්දේ වජිරඤාණ නායක ස්වාමීන් වහන්සේ ඇතුළු මහා සංඝරත්නය වැඩම කර තිබිණි.
හිටපු ජනාධිපති මහින්ද රාජපක්ෂ පදිංචිව සිටින මෙම විජේරාම නිල නිවස පසුගිය දිනවල කතාබහට ලක්ව තිබුණේ ආණ්ඩුව පාර්ශ්වයෙන් ඒ සම්බන්ධයෙන් පළකළ අදහස් හා ඊට පොදුජන පෙරමුණ දැක්වූ ප්‍රතිචාරත් සමගය.
