තිහගොඩ පෙතන්ගහවත්ත විහාරයේ ඊයේ (25) පැවති සමථ මණ්ඩල විභාගයක් අතරතුර සිදු වූ පහරදීමකින් 73 හැවිරිදි පුද්ගලයකු මිය ගොස් තිබේ.

ආරවුලක් විසඳීම සඳහා කැඳවා තිබූ දෙපාර්ශවයක් අතර ඇති වූ බහින්බස්වීමක් දුරදිග යෑමෙන් මෙම සිද්ධිය සිදුවී ඇත.

මෙම ආරවුල මුලින් තිහගොඩ පොලිස් ස්ථානය විසින් සමථ මණ්ඩලයට යොමු කර තිබිණි.

ගැටුම අතරතුර, එක් පුද්ගලයකු තුවාල ලබා මාතර මහ රෝහලට ඇතුළත් කරන ලදී.

පසුව ඔහු වැඩිදුර ප්‍රතිකාර සඳහා කරාපිටිය රෝහලට මාරු කර යවන ලද අතර එහිදී ඔහු මිය ගොස් ඇත.

ඝාතනය සම්බන්ධයෙන් සැකකරුවකු අත්අඩංගුවට ගෙන ඇති අතර, තිහගොඩ පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.