August 10, 2023
අපනයනය කරන තේ වෙනුවෙන් බලපත්‍ර ගාස්තුවක් අය කිරීමට රජය තීරණය කර තිබේ.
ඒ අනුව අපනයනය කරන තේ කිලෝග්‍රෑමයක් සඳහා රුපියල් 03 ක බලපත්‍ර ගාස්තුවක් අයකෙරෙනු ඇත.
ශ්‍රී ලංකා තේ මණ්ඩලයේ සභාපති නිරාජ් ද මෙල් මහතාගේ අත්සනින් ඊට අදාළ අතිවිශේෂ ගැසට් නිවේදනය නිකුත් කර ඇත.
ඒ අනුව තේ කොමසාරිස්වරයා විසින් රේගු නිර්යාත ප්‍රකාශනය අනුමත කරනු ලබන අවස්ථාවේදී අදාළ බලපත්‍ර ගාස්තුව ගෙවිය යුතුය.
ශ්‍රී ලංකා තේ මණ්ඩල ප්‍රාග්ධන අරමුදල වෙත අදාළ ගාස්තු බැර කෙරෙනු ඇත.
