April 2, 2025
ශ්‍රී ලංකා පුවත්පත් මණ්ඩලයට නව සභාපතිවරයකු සහ අධ්‍යක්ෂ මණ්ඩල සාමාජිකයින් තිදෙනකු පත් කරමින් අදාළ පත්වීම් ලිපි ප්‍රදානය කිරීම පසුගියදා සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ ප්‍රධානත්වයෙන් ජනමාධ්‍ය අමාත්‍යංශයේ දී සිදුකෙරිණි.
මෙහිදී සම්මානලාභී ලේඛකයකු, විචාරකයකු හා ජනමාධ්‍යවේදියකු වන ප්‍රියාන් ආර්. විජේබණ්ඩාර ශ්‍රී ලංකා පුවත්පත් මණ්ඩලයේ නව සභාපතිවරයා ලෙස පත්කරන ලදි.
එමෙන්ම ආචාර්ය අනුෂ්කා කහඳගමගේ, ශ්‍රේෂ්ඨාධිකරණ නීතිඥ, ජනමාධ්‍යවේදිනි මහීෂා මුදුගමුව සහ ජනමාධ්‍යවේදී දේවදාසන් සෙන්දිල්වේලවර් යන අයද අධ්‍යක්ෂ මණ්ඩල සාමාජිකයෝ ලෙස මෙහි දී පත්වීම් ලැබූහ.
