ගිනිකොන දිග බෙංගාල බොක්ක ආශ්‍රිතව අඩු පීඩන කලාපයක් නිර්මාණය වී තිබෙන බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව පවසන්නේ අද උදෑසන නිර්මාණය වූ එම අඩු පීඩන කලාපය ඉදිරි පැය 24 තුළ තවදුරටත් තීව්‍ර වී බටහිර – වයඹ දෙසට ගමන් කිරීමට ඉඩ ඇති බවයි.

එය දෙසැම්බර් 11 වැනිදා පමණ ශ්‍රී ලංකා – තමිල්නාඩු වෙරළට ඔබ්බෙන් නිරිත දිග බෙංගාල බොක්ක මුහුදු ප්‍රදේශයට ළඟා වීමට ඉඩ ඇත.

තද වැසි සමග පැයට කිලෝමීටර් 60ක පමණ වේගයෙන් ඉතා තද සුළං ඇති විය හැකි අතර එම මුහුදු ප්‍රදේශ රළු විය හැක.