අණ නොතකා ධාවනය වූ යතුරු පැදියක ගැටී තුවාල ලැබූ පොලිස් සැරයන්වරයකු ප්‍රතිකාර සඳහා වව්නියාව මහ රෝහලට ඇතුළත් කර තිබේ.

පෙරේදා(15) රාත්‍රියේ සිදම්බරපුරම් මාර්ගයේ බීමත් රියදුරන් පරික්ෂා කිරීම සඳහා මාර්ග බාධක රජකාරියේ යෙදී සිටින නිලධාරීන් විසින් යතුරුපැදියක් නැවැත්වීමට අණකර ඇත.

අණ නොතකා ධාවනය වූ එම යතුරුපැදිය පැදිකරුගේ පාලනයෙන් ගිලිහී පෙරළී යෑමෙන් අනතුරුව පොලිස් සැරයන්වරයාගේ සිරුරේ ගැටී තිබෙන බව පොලීසිය පවසයි.

යතුරුපැදිකරු 19 හැවිරිදි වැනි වියේ පසුවන අතර, පසුපැදිකරු 20 හැවිරිදි වියේ පසුවෙති.

ඔවුන් ද තුවාල ලබා වව්නියාව මූලික රෝහලට ප්‍රතිකාර සඳහා ඇතුළත් කර තිබේ.