උඩරට එළවළු වගාකරන කෘෂිකාර්මික දිස්ත්‍රික්කයක් වූ බදුල්ල දිස්ත්‍රික්කයේ අග නගරය වූ බදුල්ලේ මේ දිනවල එළවළු මිල අදහාගත නොහැකි ලෙස ඉහළ ගොස් ඇත.

මේ අතර, රට පුරා එළවළු මිල ඉතා ඉහළ අගයක් ගෙන ඇති බව ජනතාව පවසති.

ඇතැම් එළවළු වර්ගවල කිලෝවක මිල රුපියල් 1000 දක්වා වැඩි වී ඇති අතර, අමුමිරිස් මිල රුපියල් 2000 සිට 2200 දක්වා ඉහළ ගොස් ඇත.

බදුල්ල පොදු වෙළෙඳ සංකීර්ණයේ පවතින එළවළු වර්ග කිහිපයක මිලයි මෙසේය.

අමුමිරිස් කි.ග්‍රෑම් 1ක් රුපියල් 2000කි. වම්බටු සහ මාළුමිරිස් කි.ග්‍රෑම් 1ක් රු.1000කි. බෝංචි, ගෝවා, කරවිල සහ දෙහි කි. ග්‍රෑම් 1ක මිල රු. 800කි. ලීක්ස් කි.ග්‍රෑම් 1ක මිල රු.600කි. පතෝල කි.ග්‍රෑම් 1ක මිල රු.480කි. වට්ටක්කා කි. ග්‍රෑම් 1ක මිල රු.240 කි. රට අල කි.ග්‍රෑම් 1 ක මිල රු.200කි.

මෙම තත්ත්වය මත ජනතාව එළවළු මිල විමසීමේදී වෙළෙන්දෝ ග්‍රෑම් 250ක මිල පවසති.(දිවයින)