December 7, 2023
පාකිස්ථානයේ බහවල්පූර්හි ෂර්බාග් සත්වෝද්‍යානයේ ව්‍යාඝ‍්‍ර සහ කොටි සිටින කූඩුවක තිබී මිනිසකුගේ මළසිරුරක් එහි කාර්ය මණ්ඩලය සොයාගෙන තිබේ.
එක් විශාල ව්‍යාඝ‍්‍රයකුගේ හෝ කොටියකුගේ හෝ මුඛයේ සපත්තුවක් තිබෙනු පිරිසිදු කිරීමේ සේවකයන් දැකීමෙන් මෙම බිහිසුණු සිදුවීම අනාවරණය විය.
මියගිය පුද්ගලයා කවුරුන්ද යන්න තවමත් අපැහැදිලි බැවින් දේහය පරීක්ෂා කිරීම සඳහා අධිකරණ වෛද්‍ය විශේෂඥයන් කැඳවා ඇත.
බහවල්පූර්හි ජ්‍යෙෂ්ඨ රාජ්‍ය නිලධාරියකු වන සහීර් අන්වර් හෙළිකළේ, “ඔවුන් සත්වෝද්‍යානය සහ ගුහා පිරිසිදු කරන විට, ව්‍යාඝ‍්‍රයා උගේ මුඛයේ සපත්තුවක් තබාගෙන සිටිනු දැකගත හැකිවෙලා. කාර්ය මණ්ඩලයට සැකයක් ඇති වීමෙන් පසුව ඔවුන් ගුහාව තුළ මළ සිරුරක් සොයාගත්තා.”යනුවෙනි.
කාර්යමණ්ඩලයේ තක්සේරුව ප්‍රකාශ කරමින් අන්වර් යෝජනා කළේ, “මොහු උන්මත්තකයෙකු ලෙස පෙනේ. මන්ද සංවේදී පුද්ගලයෙකු ගුහාවට පනින්නේ නැත. ඔබට පෙනෙනු ඇත, ගුහාව ආරක්ෂා කර ඇති බව. ගුහාව පිටුපස පඩිපෙළ ඇත, සමහර විට ඔහු එතැනින් පැන්නා විය හැකිය.” යනුවෙනි.
බහාවල්පූර්හි ගලවාගැනීමේ සේවයේ සෆරුල්ලා කියා සිටියේ වින්දිතයාගේ පාදවලට දැඩි ලෙස තුවාල වී ඇති බවයි.
ඔහු ප්‍රකාශ කළේ, “ඔහු කවුද සහ ඔහු එහි පැමිණියේ කෙසේද යන්න තවමත් නොදනී. ඒ පිළිබඳව පරීක්‍ෂණ සිදුවෙමින් පවතී. සිරුර පැය කිහිපයක් පැරණි බව පෙනේ.” ලෙසයි.
පන්ජාබ්හි වනජීවී දෙපාර්තමේන්තුව විසින් මෙහෙයවනු ලබන මෙම සත්වෝද්‍යානය විවිධ වන සතුන්ගෙන් සමන්විත වන අතර වැඩිහිටි ප්‍රවේශය සඳහා ශත 18ක නාමික ගාස්තුවක් අය කෙරේ.
නවීන දිය අගල සහිත කොටු තුළ සිංහයන්, ව්‍යාඝ්‍රයන් සහ හයිනාවන් සිටින බව වාර්තා වේ.
