අකුරැස්ස විවිධසේවා සමුපකාර සමිතිය රුපියල් මිලියන 170 ක වියදමින් අකුරැස්සේ මහල් පහකින් යුත් රෝහලක් ඉදිකිරීම ආරම්භ කර තිබේ.

ඊට මුල්ගල තැබීම ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් අතින් සිදුකෙරිණි.

මෙහිදී අදහස් දැක්වූ හේරත් මන්ත්‍රීවරයා අවධාරණය කළේ, බංකොලොත් වූ රටක් පවා නිවැරදි නායකත්වය, දැක්ම සහ එකමුතුකම සමඟින් උසස් සේවා සැපයීමට සහ ලාභ ඉපැයීමට හැකි ලෙස යළි ගොඩනැගිය හැකි බවයි.

අකුරැස්ස සමුපකාර සමිතිය ඒ සඳහා ආදර්ශයක් ලබා දෙන බව ද ඔහු සඳහන් කළේය.

ඔහු සඳහන් කළේ ජාතික ජන බලවේගයට ඒ හා සමානව දක්ෂතාව සහ කැපවීම ඇති පුරවැසියන්ගේ සහයෝගය ඇතිව රට නැවත ගොඩනැගීමට හැකියාව ඇති බවයි.

මෙම අවස්ථාවට සමුපකාර සංවර්ධන කොමිෂන් සභාවේ නිලධාරීන්, රාජ්‍ය නිලධාරීන්, වෛද්‍ය වෘත්තිකයන්, අකුරැස්ස ව්‍යාපාරික ප්‍රජාවේ සාමාජිකයන් සහ ප්‍රදේශවාසීන් විශාල පිරිසක් සහභාගී වූහ.

ඩබ්ලිව්.ටී.කේ. රාජපක්ෂගේ සභාපතිත්වයෙන් යුත් ජනතා විමුක්ති පෙරමුණේ කමිටුවක් විසින් අකුරැස්ස විවිධසේවා සමුපකාර සමිතිය වෙනුවෙන් වසර 20කට ආසන්න කාලයක දී රුපියල් බිලියන 2ක ලාභයක් උපයා ඇති අතර ඉන් කොටසක් රෝහල ඉදිකිරීම සඳහා යොදවා ඇත.