January 3, 2024
රේගු නිලධාරීන් හෂීස් කිලෝග්‍රෑම් 04කට අධික ප්‍රමාණයක් අඩංගු තෑගි පාර්සලයක් සමග පුද්ගලයෙකු අත්අඩංගුවට ගෙන තිබේ.
ඉතාලියේ සිට හෝමාගම ප්‍රදේශයේ පුද්ගලයකු වෙත යොමුකර ඇති මෙම පාර්සලය ලබාගැනීමට පැමිණි අවස්ථාවේ දී සැකකරු අත්අඩංගුවට ගෙන ඇත.
රේගු අධ්‍යක්ෂ සීවලී අරුක්ගොඩ ජනමාධ්‍ය වෙත ප්‍රකාශයක් කරමින් එම අත්අඩංගුවට ගැනීම තහවුරු කර තිබේ.
“පසුගිය මාස කිහිපය තුළ අපගේ නිලධාරීන් විසින් අත්අඩංගුවට ගත් මත්ද්‍රව්‍ය ජාවාරමේ අටවැනි අවස්ථාව මෙයයි.”
මෙම මෙහෙයුම් අටේදී අත්අඩංගුවට ගත් මුළු මත්ද්‍රව්‍ය තොගයේ වටිනාකම රුපියල් මිලියන 359ක් බව වාර්තා වේ.
