March 3, 2025
ශ්‍රී ලංකාවේ අලි-දුම්රිය ගැටුම් අවම කිරීම සඳහා පුළුල් සැලැස්මක් සකස් කරන ලෙස බලධාරීන්ට නියෝග කරන ලෙස ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර ඇත.
පරිසර යුක්ති මධ්‍යස්ථානය, එහි සභාපති සහ විධායක අධ්‍යක්ෂවරයා සමඟ එක්ව මෙම පෙත්සම ගොනුකළ අතර, වනජීවී සංරක්ෂණ අධ්‍යක්ෂ ජනරාල්, දුම්රිය සාමාන්‍යාධිකාරී, පොලිස්පති, ප්‍රවාහන හා මහාමාර්ග අමාත්‍ය, පරිසර අමාත්‍ය, වනජීවී සහ වන සම්පත් අමාත්‍ය සහ තවත් කිහිපදෙනෙකු වගඋත්තරකරුවන් ලෙස නම් කර තිබේ.
වන සංරක්ෂණ හා වනජීවී දෙපාර්තමේන්තුවේ අධීක්ෂණය යටතේ දුම්රිය මාර්ග දෙපස ඇති යටි පඳුරු ඉවත් කිරීමෙන් දුම්රිය මාර්ගවල රියදුරු දෘශ්‍යතාව වැඩිදියුණු කිරීම ඇතුළු අවශ්‍ය අවම කිරීමේ පියවර ක්‍රියාත්මක කිරීමට සහයෝගය දක්වන ලෙස වගඋත්තරකරුවන්ට නියෝග කරන ලෙස ද පෙත්සම්කරුවෝ ඉල්ලා සිටිති.
42.31%
17.27%
32.76%
