කටුනායක අධිවේගී මාර්ගයේ 27 වැනි කිලෝමීටර් කණුව අසලදී අද අලුයම සිදු වූ අනතුරකින් ඔස්ට්‍රියානු ජාතිකයෙකු මිය ගොස් තවත් විදේශිකයින් තිදෙනෙකු තුවාල ලබා තිබේ.

ඔවුන් ගමන්ගත් වෑන් රථයක් ලොරි රථයක පිටුපස ගැටීමෙන් අනතුර සිදුව ඇත.

පොලීසිය පැවසුවේ, කඩවත සිට කෙරවලපිටිය දෙසට ගමන් ගත් සංචාරකයන් රැගත් වෑන් රථය එම දිශාවටම ධාවනය වූ ලොරි රථයේ ගැටීමෙන් මෙම අනතුර සිදුව ඇති බවය.

තුවාල ලැබූ සංචාරකයන් උතුරු කොළඹ ශික්ෂණ රෝහලට ඇතුළත් කර ඇති අතර එහිදී 37 හැවිරිදි ඔස්ට්‍රියානු ජාතික සංචාරකයා මියගොස් තිබේ.

මහබාගේ පොලිසිය වැඩිදුර පරීක්ෂණ පවත්වයි.