ද්විපාර්ශ්වික ගයිනැන්ඩ්‍රොමෝෆිසම් (gynandromorphism) ලෙස හැඳින්වෙන ගැහැණු සහ පිරිමි ලක්ෂණ දෙකම සහිත විෂම තත්වයක් ඇති කුරුල්ලෙකු කොලොම්බියාවේ දී සොයාගෙන තිබේ.

සියවසකට වැඩි කාලයකට පසු මෙවැනි ජානමය වෙනසක් ඇති කුරුල්ලෙකු කලාපයෙන් වාර්තා වූ පළමු අවස්ථාව මෙයවන බවට වාර්තා වේ.

ග්‍රීන් හනික්‍රීපර් (Green Honeycreeper) වර්ගයට අයත් මෙම කුරුල්ලා, සිරුරේ දකුණු පැත්ත මගින් පිරිමි ලක්ෂණ පෙන්වන අතර වම් පැත්ත ගැහැණු ලක්‍ෂණ පෙන්නුම් කරයි.

2019 දී ප්‍රථම වරට ආධුනික ඡායාරූප ශිල්පී ජෝන් මුරිලෝ (John Murillo) මෙම පක්ෂියා නිරීක්ෂණය කර තිබේ.

මෙම සුවිශේෂී ජෛව විවිධත්වය පිළිබඳවත්, ස්වභාවික අපූර්වත්වයන් ආරක්ෂා කිරීමේ අවශ්‍යතාවය පිළිබඳවත් ලොවපුරා ජීව විද්‍යාඥයින්ගේ අවධානය යොමු වී තිබේ.

මෙම දර්ශනයත් සමඟ කොලොම්බියාවේ Green Honeycreeper කුරුළු ජෛව විවිධත්වය පිළිබඳ අධ්‍යයනයේ වැදගත් පරිච්ඡේදයක් සනිටුහන් කර ඇත.