ශ්‍රී ලංකා ක්‍රිකට් ආයතනය (SLC) 2023 මුදල් වර්ෂය සඳහා රුපියල් බිලියන 12.1ක ශුද්ධ ආදායමක් වාර්තා කර තිබේ.

එය පෙර වසරට සාපේක්ෂව සියයට 105ක වර්ධනයකි.

ශ්‍රී ලංකා ක්‍රිකට් ආයතනයේ ප්‍රකාශයකට අනුව 2023 මුදල් වර්ෂය සඳහා විගණනය කරන ලද මූල්‍ය ප්‍රකාශන ශ්‍රී ලංකා ක්‍රිකට් සාමාජිකත්වය ඒකමතිකව සම්මත කර ඇත.

විගණනය කරන ලද මූල්‍ය ප්‍රකාශන අනුමත කරන ලද්දේ 2024 අගෝස්තු 24 වැනි දින කොළඹදී පැවැති අති විශේෂ මහා සභා රැස්වීමකදීය.

ශුද්ධ ආදායමේ සැළකිව යුතු වැඩිවීම සඳහා මූලික වශයෙන් හේතු වී ඇත්තේ අන්තර්ජාතික ක්‍රිකට්, දේශීය ක්‍රිකට්, අනුග්‍රාහක ගිවිසුම් සහ ICC ය වෙතින් වාර්ෂිකව ලබාදෙන මුදල්ය.

2023 දෙසැම්බර් 31 වැනිදායින් අවසන් වන වසර සඳහා ශ්‍රී ලංකා ක්‍රිකට් ආයතනයේ මූල්‍ය ප්‍රකාශන සම්බන්ධයෙන් ජාතික විගණන කාර්යාලය නිල නොවන මතයක් සපයා ඇති බව ශ්‍රී ලංකා ක්‍රිකට් ආයතනය නිකුත් කළ නිවේදනයේ දැක්වේ.

විගණනය කරන ලද මූල්‍ය ප්‍රකාශන පිළිබඳ අදහස් දක්වමින් ශ්‍රී ලංකා ක්‍රිකට් සභාපති ෂම්මි සිල්වා ප්‍රකාශ කර ඇත්තේ ජාතික විගණන කාර්යාලයේ නිල නොවන මතය ක්‍රිකට් ආයතනය ශ්‍රී ලංකා නීතිවලට අනුකූලව කටයුතු කිරීම සහ මූල්‍ය විනිවිදභාවය සඳහා එහි කැපවීම පිළිබඳ සාක්ෂියක් බවයි.