බෞද්ධ රාජ්‍යයන් දෙකක් වශයෙන් දෙරට ජනතාව අතර පවතින දිගුකාලීන සමීප සබඳතාව සැලකිල්ලට ගෙන, භූකම්පනයෙන් විපතට පත්ව සිටින මියන්මාරයේ ජනතාව වෙත සහන සැලසීම සඳහා ශ්‍රී ලාංකික ජනතාවගේ දායකත්වය ලබාදීමට අමාත්‍ය මණ්ඩලය තීරණය කර ඇතැයි අද පැවති කැබිනට් තීරණ දැනුම්දීමේ ජනමාධ්‍ය හමුවට එක්වෙමින් කැබිනට් ප්‍රකාශක අමාත්‍ය නලින්ද ජයතිස්ස පැවසුවේය.

ඒ අනුව ලබාදීමට සැලසුම් කර ඇති සහන පහත පරිදි වේ.

1. ඇමෙරිකානු එක්සත් ජනපද ඩොලර් මිලියනයක මූල්‍ය ආධාරයක් ලබාදීම.

2. මෙරට බෞද්ධ භික්ෂූන් වහන්සේලාගේ මෙහෙයවීම මත රැස්කරනු ලබන ද්‍රව්‍යමය ආධාර කඩිනමින් මියන්මාරයේ ජනතාව වෙත ලබාදීම සඳහා රජයේ මැදිහත්වීම මත අවශ්‍ය පියවර ගැනීම.

3. වෛද්‍යවරුන් සහ අනෙකුත් සෞඛ්‍ය කාර්යමණ්ඩල සාමාජීකයින්ගෙන් සමන්විත සහන සේවා කණ්ඩායමක් අවශ්‍ය ඕනෑම අවස්ථාචකදී මියන්මාරය වෙත යැවීම පිණිස සූදානම් කරතැබීම.