වෘත්තීය ඉන්දීය ක්‍රිකට් ක්‍රීඩකයකු වන 35 හැවිරිදි ඉම්රාන් පටෙල් පූනේ හි පැවති තරඟයක් අතරතුර ඇතිවූ හෘදයාබාධයකින් මියගොස් තිබේ.

පටෙල් ගාර්වෙයාර් ක්‍රීඩාංගණයේ තණතීරුවට පිවිස සිටියේ ලීග් තරගයේ ආරම්භක පිතිකරු ලෙසය.

ඕවර කිහිපයකට පසු ඔහු තම වම් අතේ සහ පපුවේ වේදනාව ගැන විනිසුරුවන්ට පැමිණිලි කර තිබේ.

එම සාකච්ඡාව කෙටි වූ අතර ඔහු නැවත ක්‍රීඩාගාරය වෙත යමින් සිටියදී ඔහු ඇද වැටී ඇත.

තරගය සජීවීව විකාශය වන විට එම සිදුවම් කැමරාවල ද සටහන් වී තිබිණි.

පටෙල් වහාම රෝහල්ගත කරන ලද අතර එහිදී වෛද්‍යවරු ඔහු මිය ගිය බව ප්‍රකාශ කර තිබේ.

තවත් ක්‍රිකට් ක්‍රීඩකයකු වන නසීර් ඛාන් පැවසුවේ ඔහුට කිසිදු රෝග තත්ත්වයක් පිළිබඳ ඉතිහාසයක් නොතිබුණු බවයි.

“ඔහු හොඳ ශාරීරික තත්ත්වයක සිටියා. ඇත්තෙන්ම ඔහු ක්‍රීඩාවට ආදරය කළ තුන් ඉරියව් ක්‍රීඩකයෙක්. අපි හැමෝම තාම කම්පනයෙන් ඉන්නේ” යනුවෙන් ඔහු පවසා තිබේ.