වැල්ලම්ටිය පොලිසියට ලද තොරතුරක් මත එම පොලීසිය සහ විශේෂ කාර්ය බළකා නිලධාරීන් එක්ව සිදුකළ වැටළීමකදී නීතිවිරෝධී මත්පැන් නිෂ්පාදනය කරමින් සිටි චීන ජාතිකයකු අත්අඩංගුවට ගෙන ඇත.

වැල්ලම්පිටිය බ්‍රැන්ඩියාවත්ත ප්‍රදේශයේ කුලී පදනම මත නිවසක රැඳී සිටි චීන ජාතිකයකු මෙලෙස අත්අඩංගුවට ගෙන තිබේ.

අදාළ චීන ජාතිකයා සතුව ගෝඩා මිලිලීටර් තුන් ලක්ෂ 18ක් හා නීතිවිරෝධී මත්පැන් මිලි ලීටර් 67,500ක් තිබී සොයාගත් බව පොලිසිය පවසයි.

සැකකාර චීන ජාතිකයා නෙළුම් කුළුණ ව්‍යාපෘතියේ ඉංජිනේරුවරයකු වශයෙන් වැඩකළ අයකු බව වාර්තා වේ.

වැල්ලම්පිටිය පොලිසිය විසින් වැඩිදුර විමර්ශන කටයුතු සිදුකරන අතර, අත්අඩංගුවට ගත් චීන ජාතිකයා අලුත්කඩේ අංක දෙක උසාවියට ඉදිරිපත් කර ඇත.